A Asociación da Prensa da Coruña, co apoio do Concello da Coruña, convoca a LXXXVI edición do Premio Alejandro Pérez Lugín de Xornalismo, correspondente ao ano 2026, co lema ‘A vida e a obra de Alejandro Pérez Lugín no centenario da súa morte’. Desta maneira, a APC pretende render homenaxe a un dos xornalistas que foron fundamentais na súa historia e que dá nome a un dos premios xornalísticos máis antigos de España.
Entre os textos recibidos, o xurado seleccionará o gañador que recibirá 3.000 euros e unha figura conmemorativa, achegados polo Concello da Coruña, que un ano máis apoia a realización desta convocatoria.
O xurado estará conformado, como todos os anos, pola xunta directiva da Asociación da Prensa da Coruña, entidade organizadora, un representante do Concello, o gañador da edición anterior e un representante nomeado pola Casa Museo da Troya. Os interesados teñen de prazo ata o día 30 do mes de novembro para remitir os seus escritos.
Presentación de traballos
Os participantes deben enviar os seus escritos en papel por correo certificado e en soporte informático (formato Word ou PDF), á Asociación da Prensa da Coruña, en sobre pechado e á seguinte dirección C/ Durán Loriga, 10-4. 15003, A Coruña. Só se aceptará un escrito por participante e será valorados todos os xéneros xornalísticos. Os textos deberán ser inéditos, tanto en galego como en castelán e cunha extensión máxima de 5.100 caracteres.
O sobre levará un pseudónimo, un lema e a indicación “Premio Pérez Lugín”. No interior irá o texto, e debe incluír un segundo sobre que por fóra debe levar o mesmo título do escrito e o pseudónimo co que se presenta e dentro levará os datos do autor (nome e apelidos, dirección, teléfono de contacto) e un breve currículo.
Os traballos tamén poderán ser remitidos a info@peridistascoruna.es. Devandito envío debe realizarse desde un correo electrónico creado co pseudónimo baixo o que se presenta o autor e co mesmo lema no asunto. O participante non debe identificarse de ningún xeito ou o traballo quedará automaticamente eliminado. O envío do mail non exime de remitir o sobre co traballo en papel, cos correspondentes sobres pechados e os datos dentro que si identifican o autor.
Historial do Pérez Lugín
En 2026 o Premio Pérez Lugín alcanza a súa edición número 86. En 1936, a viúva do xenial escritor da Casa da Troia creou unha fundación co nome do seu marido, dotándoa dun capital, depositado no Banco Pastor, con cuxos intereses debería concederse o premio, segundo rezaba textualmente “ao mellor traballo literario que se presente sobre un tema de Galicia enxalzando a mesma”.
Posteriormente, no 1941, creouse o premio e o gañador da primeira edición foi Eduardo Pérez Hervada. Desde entón obtivérono destacados xornalistas e escritores. A listaxe inclúe a Ezequiel Pérez Montes (1963), Emilio Quesada (1964) ou Ángel Padín (1999). Nos últimos anos, os gañadores foron Rodri Suárez (2019), Suso Martínez (2020), Javier Quintana (en 2021, aínda que tamén o gañou en 2009), Xavier Lama (2022), Toni Silva (2023), Ricardo Fernandez Colmenero (2024) e Xurxo Fernández (2025).
A primeira muller galardoada co Pérez Lugín foi Mercedes Modroño (1989), á que sucederon Cristina Amenedo (1995), Lola Roel (1996) e María del Rosario Martínez Martínez (2007).
Spanish 
English